2023-2024年最新月入中位數字 『政府統計』香港最高行業及職業

• 作者: Kay Chu
•  
• 刊登日期: 2024-03-22 22:00:00
•  
• 120 人已經看過
•  

最近小編留意到政府統計處公布左最新《2023年第4季綜合住戶統計調查按季統計報告》，裏面既內容就統計左香港2023年第4季（即是10-12月）有關勞動人口、就業、失業及就業不足的統計數字。

整合部分調查報告資料顯示如下 :

按季主要數字顯示，港人2023年由第1季至第4季既每月就業收入中位數為20,000元；而最新數字顯示該季就業人數約370萬人。當中49.2%為男性，50.8%為女性。

2023年第4季本港一共有3,812,500勞動人口，包括3,706,800就業人士及105,700失業人士，經季節性調整既失業率由2023年第3季2.8%微升至2023年第4季2.9%。按以前從事既詳細行業劃分，喺2023年第4季失業率較高既行業包括「樓房裝飾」、「修葺及保養業」，「住宿及膳食服務業」，「製造業」，「資訊及通訊業」，「地基及上蓋工程業和批發業」。

按性別而言，男性喺2023年第4季既月入中位數為23,000元，女性則為16,700元。工作時數中位數則是44小時，根據香港法律顯示，標準工作時數為每天為8小時，每周為48小時，因此2023年既工作時數中位數係合乎法律所規定。小編好奇心爆發發現，截至2022年既網上資料顯示，荷蘭既上班族每週工時平均30小時，比香港既工作時數多出14小時，睇黎香港既生活習慣未可以好似去到荷蘭咁Chill可以緩慢下生活節奏住，大家要趁工餘時間同放假要去好好放鬆下啦！

另外，自於不同行業及職位既每月工作收入中位數亦各有變化架！

喺行業方面，收入最高既為「金融及保險」，月入中位數為35,000元，男女收入之間有差距，男性收入達40,000萬元，而女性則31,100元。

其次收入第二為「其他行業」，收入為23,000元。

第三為「進出口貿易及批發」，收入為22,400元。

第四為「建造業」，收入為21,400元。

第五則為「運輸、倉庫、郵政及速遞服務、資訊及通訊」，收入為20,500元。

喺職級方面，月收入中位數最高為「經理」，達到45,400元；其次是「專業人員」，達45,000元；第三是「輔助專業人員」，為25,000元；「工藝及有關人員」為20,000元，「機台及機器操作員及裝配員」為18,800元。

大型求職平台CTgoodjobs喺2024年第一季透過網上問卷形式進行薪酬調查，一共收集2,830份資料。問卷涵蓋左由18歲至65歲或以上既年齡層既就業人士，其中參與調查最多的年齡組別為36至40歲。受訪者來自35個唔同行業，當中有來自會計 / 審計 / 稅務行業既受訪者佔10.2%，另有7.8%既受訪者來自政府 / 公共部門 / 公用事業行業。

問卷調查資料顯示 :

喺職級方面，有43.9%既受訪者為初級員工、30.2%為主管/主任級、20.3 為中級管理層；最多受訪者既年齡組別係36歲至40歲，佔 21.2%。調查結果顯示，CTgoodjobs計年終獎金及花紅既情況下，平均月入中位數為29,715元，如月薪超過這一數字既就業人士，其收入已超過一般水平。

而整體就業人士既月入中位數喺唔包括年終獎金或花紅情況下為29,715元，其中「資訊科技／電子商務」行業既月入中位數最高，為32,000元；而「食品及飲料」行業的月入中位數最低，為17,290元。

若按工作地區比較，中西區內公司既月入中位數最高，為28,905元，喺18區內排名最高；而大埔區／北區內公司既月入中位數最低，為20,000元。

有關薪級加減幅方面，2024年有 60.7%既就業人工都獲得加薪，平均加薪幅度為 8.4%。加薪幅度最多的行業為「保健／美容／健身」為13.8%；加薪幅度最少的行業則是「電訊」為3.7%。不過調查亦指出有 3.5%既就業人士有被減薪，平均減薪幅度為 20.7%；被凍薪的打工仔則佔35.8%。

而喺2023年年底，有41%既公司派發了花紅或年終獎金，平均金額為25,650元。 獲發最多花紅或年終獎金的行業為「證劵／商品」，為56,500元。

以上係小編整合既統計報告同問卷既調查結果資料內容懶人包，希望方便大家查閱。另外，小編覺得雖然唔同行業及職級既薪金係各有差距，但每一個崗位都係缺一不可。而職場上最緊要既係上下屬一齊共事既氣氛，建立一個良好工作關係，相信不論係工作表現上或是溝通上，都會對於公司發展會係好大既幫助，邁向成功既目標。